Informasjon
Vi hjelper dykk med å få oversikt over aktuelle rettar og ordningar i samband med gravferda.
Gravferdsstønad er behovsprøvd. Det vil seie at stønaden kan gjevast for å dekkje faktiske og nødvendige utgifter til gravferda dersom den økonomiske situasjonen til avdøde utløyser rett til stønad.
Kor mykje som kan dekkjast avheng av formue og eventuell forsikring etter avdøde, og av dei satsane som gjeld på det aktuelle tidspunktet.
Når avstanden mellom dødsstaden og gravstaden er over ei bestemt lengd, kan det gjevast stønad til båretransport. Det vert då rekna ein eigenandel.
Særskilte reglar kan gjelde ved dødsfall utanfor Noreg og ved dødsfall som følgje av yrkesskade.
Reglane kan vere vanskelege å få oversikt over. Vi hjelper dykk gjerne med å finne relevant informasjon og forstå kva som må dokumenterast. Endeleg vedtak vert gjort av NAV eller annan ansvarleg instans.
Ta kontakt, så hjelper vi dykk med å finne fram.